WBC reytingi yangilandi: yana bir bokschimiz reytingni tark etdi, qolganlarda ko'tarilish + POSTER

Butunjahon Boks uyushmasi noyabr oyi uchun yangilangan reytingni elon qildi. Oktyabr oyida Otabek Xolmatov reytingni tark etgan bo'lsa, noyabrda Olimjon Nazarov ushbu ro'yxatdan chiqib ketdi. 

Super engil vazn toifasidagi bokschimiz Botir Ahmedov reytingga O'zbekiston nomidan kiritildi. SHu tariqa, reytingda 11 nafar charm qo'lqop ustamiz qoldi.

Ularning joylashgan o'rinlari bilan tanishing:

Superog'ir vazn: Bahodir Jalolov o'tgan oydagi o'rniga nisbatan 6 pog'ona yuqorilab, 17-o'ringa joylashdi;

Super o'rta vazn toifasi (76,2 kg): Azizbek Abdug'ofurov 6 pog'ona ko'tarildi va 12-o'ringa joylashdi; Bektemir Meliqo'ziev esa 25-o'rinni band etdi, o'tgan oyda u 31-pog'onada edi;

Super yarim o'rta vazn (69,8 kg): Isroil Madrimov 8-o'rinda;

Yarim o'rta vazn (66,6 kg): Qudratillo Abduqahhorov o'tgan oydagidan 5 pog'ona yuqorilab 17-o'ringa joylashdi; SHahram G'iyosov 20-o'rin, G'iyosov o'tgan oyda 24-o'rinda edi;  Jamshidbek Najmitdinov esa 35-o'rindan 6 pog'ona yuqorilab, 29-o'rinni egalladi;

Super engil vazn (63,5 kg): SHohjahon Ergashev 13-o'rinda qayd etildi, bokschimiz o'tgan oyda 15-o'rinni band etib turgandi, Botir Ahmedov O'zbekiston nomidan qayd etildi va 25-o'ringa joyshtirildi;

Ikkichi yarim engil vazn (58,9kg): Elnur Abduraimov o'tgan oydagidan 2 pog'ona yuqorilab 38-o'rinda qayd etildi;

Birinchi o'ta engil vazn (48,8 kg): Hasanboy Do'smatovning o'tgan oydagidan 2 pog'ona pastlab, hozirda 13-o'rinni band etgan;