WBO Janibek Alimxanulining navbatdagi himoya jangiga buyruq berdi

Boks bo'yicha o'rta vaznda (72 kg) WBO yo'nalishi chempioni, 29 yoshli qozog'istonlik Janibek Alimxanuli (13-0) navbatdagi majburiy himoya jangini kimga qarshi o'tkazishi malum bo'ldi.

Unga ko'ra, qozog'istonlik bokschi o'z kamarini meksikalik 26 yoshli bokschi — Xayme Mungiya (41-0)ga qarshi himoya qilishi kerak bo'ladi. Bu borada WBO rasmiy buyruq bergan. Tomonlarga muzokara o'tkazish uchun 15 kun (5 dekabrgacha) muddat berildi.

Eslatib o'tamiz, Janibek Alimxanuli 14 noyabr kuni britaniyalik Denzel Bentlidan o'z chempionlik kamarini muvaffaqiyatli himoya qilgan holda g'alaba qozongan edi.

The WBO have now officially ordered Janibek Alimkhanuly to defend his WBO middleweight world title vs Jaime Munguia next. Parties have 15 days (until Dec 5th) to agree a deal, then purse bids.

— Michael Benson (@MichaelBensonn) November 20, 2022