World MMA Awards yilning eng yaxshilarini elon qildi

Las-Vegas shahrida o'z tarixida 16-marotaba o'tkazilgan premiyada nominaciya g'oliblari ochiq so'rovnoma natijalariga ko'ra aniqlandi. Yarimog'ir vaznda amaldagi UFC chempioni Aleks Pereyra MMA olamidagi eng nufuzli World MMA Awards nominaciyasiga ko'ra, 2024 yilning "Eng yaxshi jangchisi" deb topildi. Braziliyalik chempion so'rovnomada vatandoshlari Aleksandr Pantoja va Xenan Ferreyra, shuningdek JAR vakili Drikus Dyu Plessi hamda rossiyalik Islam Maxachevni ortda qoldirdi.

Ayollar o'rtasida "Yil jangchisi" sifatida birinchi engil vaznda UFC chempioni Veyli CHjan g'olib bo'ldi. "Yilning internacional jangchisi" nominaciyasida o'rta vazn UFC chempioni Drikus Dyu Plessi tengsiz bo'ldi.

Oltin statuetkalar soni bo'yicha rekordchilar sifatida Maks Xollouey va Tom Aspinall etirof etildi. Ularning har ikkisi 2024 yilgi mavsum yakunlari bo'yicha ikkitadan sovringa ega chiqdi. Amerikalik Xollouey hamyurti Jastin Getjiga qarshi "Yil jangi" va "Yil nokauti", britaniyalik esa "Yil qaytishi" va "Yil kashfiyoti" nominaciyalarida g'olib bo'ldi. 

"Yil sabmisheni" g'olibi sifatida yarimengil vazn toifasi reytingida uchinchi o'rinni egallab turgan braziliyalik Diego Lopes elon qilindi. U Gevin Takerga qarshi jangda chiroyli g'alabaga erishgandi. "Yil apseti" sifatida SHon Striklend tan olindi. U Israel Adesanyaga qarshi kechgan jangda ochkolar hisobi bo'yicha kutilmagan g'alabani qo'lga kiritgandi.