Xabib "Krasnodar" - CSKA o'yinini tribunadan tomosha qildi + FOTOGALEREYA

Nurmagomedov "FK Krasnodar" stadionidagi tashrifi aks etgan suratlarni o'zining ijtimoiy tarmoqdagi sahifalariga joyladi. U "Krasnodar" prezidenti Sergey Galickiy, jamoa bosh murabbiyi Vladimir Ivich bilan suratga ham tushdi.

Etiborlisi, Xabib o'yindan bir kun oldin "Krasnodar" akademiyasida ham bo'lib, klub tarbiyalanuvchilarini qiziqtirgan savollariga javob berdi. 

Eslatib o'tamiz, CSKA safida terma jamoamiz yarim himoyachisi Abbosbek Fayzullaev ham muvaffaqiyatli o'ynamoqda. U odatdagidek "Krasnodar"ga qarshi kechgan uchrashuvda ham maydonda to'liq harakat qildi. Ayni paytda "Krasnodar" 38 ochko bilan chempionat peshqadami bo'lib turibdi. "Zenit" 36 ochko bilan ikkinchi o'rinni band etgan bo'lsa, 32 ochkoga ega "Dinamo" kuchli uchlikka yakun yasagan.