Xabib: "Men Sterling kabi chempion bo'lishni xohlamayman. O'ylaymanki, bu yil Yanga revansh beriladi"

Yan taqiqlangan tizza zarbasi uchun diskvalifikaciya qilingan edi.

"Men Sterling kabi chempion bo'lishni xohlamayman. U o'zi va uning jamoadoshlari ham ehtimol buni tushunishadi, lekin ular har qanday holatda ham uni qo'llab-quvvatlashga harakat qilishadi.

Men ularni tushunaman, raqibim jangda g'alaba qozonmoqda, keyin esa qoidani buzdi va men kamarni qo'lga kiritdim. Men bunday tarzda chempion bo'lishni istamayman.

Yan haqida gapiradigan bo'lsak, u katta xatoga yo'l qo'ydi. Ushbu xato uning kamariga tushdi. Ammo har qanday holatda ham, agar Petr topshiriqlarni to'g'ri bajarsa, xatolarini to'g'irlasa, bundan katta foyda ko'radi deb o'ylayman.

Avvalo, buning uchun u hech narsadan chalg'imasligi, kamargacha bo'lgan yo'lda faqat mashg'ulotlarga tashna bo'lishi lozim.

U faqat va faqat ishlashi kerak. O'ylaymanki, bu yil unga jang beriladi. Unga revansh beriladi deb umid qilamiz. U bunga loyiqdir.

Menimcha, bu harakat unga foydali bo'lishi kerak. Eng muhimi, u bu voqeani o'z foydasiga o'zgartirishi. U revansh olish uchun chiqib, Sterlingning kamarini ishonchli tarzda qo'lga kiritganda uning foydasiga yakunlanadi" - dedi Nurmagomedov.