Xabib Nurmagomedov: "Jamoamizda so'z erkinligi yo'q"

Bu haqda Dubayda bo'lib o'tgan jahon sport sammitida chiqish qilgan engil vazn toifasida sobiq UFC chempioni, SHon-sharaf zali azosi Xabib Nurmagomedov malum qildi.

"Biz zalga kelib, mashg'ulotlarni boshlaganimizda, hamma buni biladi - hech qanday so'z erkinligi yo'q. Ha, xuddi shunday, jamoamizda so'z erkinligi yo'q. Bizda kichiklar doim nohaq bo'ladi va kattaga quloq soladi. Agar men murabbiy bo'lsam, hamma aytganimni qiladi. Yoki shunday, yoki hech qanday - 50 ga 50. Men ularni yaxshigina rag'batlantirishga harakat qilaman. Deyarli har bir tashkilotda ko'rsatayotgan natijalarimizga qaraydigan bo'lsak, bizda hozir chempionlar va dunyoning eng yaxshi jangchilari bor. Biz eng yaxshi jamoamiz va men juda baxtliman. Bu men o'z ishimni yaxshi bajarayotganimni anglatadi", - dedi Nurmagomedov.

Xabib Nurmagomedovning navbatdagi murabbiylik sinovi 24 yanvar kuni Las-Vegasda bo'lib o'tadigan UFC 324 turnirida uning qarindoshi va shogirdi Umar Nurmagomedov braziliyalik Deyveson Figeredoga qarshi oktagonga chiqadi. 7 fevral kuni Dubayda bo'lib o'tadigan PFL turnirida esa Usman Nurmagomedov britaniyalik Alfi Devisga qarshi engil vaznda chempionlik kamarini himoya qiladi.