18 dek 12:00
Yangiliklar

Boks/MMA

Xabibning jamoadoshi PFL chempioni Movlid Xaybulaev doping sabab bir yilga chetlatildi

Rossiyalik 35 yoshli aralash yakkakurash ustasi, yarim engil vaznda PFL chempioni Movlid Xaybulaev doping-test sinovidan o'ta olmagani uchun bir yilga diskvalifikaciya qilindi, deb xabar berdi USADA.

Xaybulaevda rekombinant eritropoetin (rEPO) testi musbat natija bergan. Namuna 2025 yil 1 avgust kuni PFL turniri finalida olingan.

Amaldagi PFL ADP qoidalarining 10.2-bandiga ko'ra, taqiqlangan moddalarni istemol qilganlik uchun diskvalifikaciyaning standart muddati olti oyni tashkil etadi. Ammo bazi hollarda bir yilgacha uzaytirilishi mumkin. Ushbu holatda Xaybulaev moddaning tabiati va ijobiy test o'tkazish vaqti tufayli maksimal bir yillik diskvalifikaciya muddatiga ega bo'ldi.

Movlid Xaybulaevning bir yillik diskvalifikaciya muddati undan ijobiy namuna olingan kun - 2025 yil 1 avgustda boshlangan. Aynan 2025 yil 2 avgustga o'tar kechasi Movlid chempionlik kamarini qo'lga kiritgandi. Movlid Xabib Nurmagomedovning jamoadoshi hisoblanadi.