Xaddad Mayya kichik WTA Yakuniy turniri g'olibasi!

Braziliyalik tennischi Xitoyning CHjuxay shahri mezbonlik qilgan musobaqaning hal qiluvchi final uchrashuvida WTA reytingida o'zidan bir pog'ona yuqorida borayotgan mezbonlar vakilasi CHjen Cinvenni tay-breklarda mag'lubiyatga uchratdi - 7/6(11), 7/6(4). 

Bu tennischilarning o'zaro ilk uchrashuvi edi. Ikki soatu 52 daqiqa davom etgan bahsda Xaddad Mayya 2, CHjen Cinven 9 ta eys zarbasini amalga oshirgan. Qo'shxatolar CHin yurti vakilasida ko'proq bo'ldi - 6 ga 2. Ikkala tennischi ham 3 tadan breykka erishgan.

Beatris faoliyatidagi uchinchi sovrinni qo'lga kiritdi. Xard qoplamali kortda u ilk bor bosh sovringa ega chiqdi. CHjuxaydagi muvaffaqiyatli ishtirok unga 605,000 dollar mukofot puli hamda 700 reyting ochkosi taqdim etdi. Bugun elon qilingan WTA reytingida u dunyoning 11-raketkasiga aylanib oldi.