Xamzat CHimaev UFC`dagi rejalari haqida gapirdi: jang yoki operaciya

BAA sharafini himoya qilayotgan chechen joriy yil oxirigacha oktagonga qaytishni rejalashtirmoqda. Biroq, agar tashkilot matchmeykerlari unga raqib topa olishmasa, u jarohatlarini davolatish uchun tanaffus oladi.

"Vaziyat biroz g'alati. Menga qo'ng'iroq qilishmayapti, hech narsa deyishmayapti. Men ularga Abu-Dabida jang qilmoqchi ekanligimni aytdim – kamar uchun so'ramadim, chunki Striklend u erga kelmasligini bilardim. Men shunchaki u tiklanishini bir yoki ikki yil kutishni istamasligimni aytdim. Men buni aytishim bilan, ular darrov Imavovga kamar uchun jang berishdi. SHunday deyishmoqda, lekin bu rasmiymi yoki yo'q, aniq bilmayman. Agar shunday bo'lsa, shunchaki menga kimdir bilan jang qilishga imkon beringlar, pul ishlab olay va kamarni tezroq qaytarib olay.

Men jang olishga harakat qilyapman. Oktyabrda harakat qildim, dekabrda ham harakat qilyapman. Agar dekabrda hech narsa bo'lmasa, tanaffus olaman. Jarohatlarim ko'p – ularni davolash kerak. Aks holda, operaciyalarni ortga surib, har bir jangimga qandaydir muammolar bilan chiqyapman. O'z muammolarim, jarohatlarim haqida gapirishni unchalik yoqtirmayman, lekin odamlar tez-tez kasal bo'lishimni bilishadi. Qalqonsimon bezimning yarmi yo'q, etti marta narkoz olganman, oltita operaciyani boshdan kechirganman. Jarohatlar ko'p. Alloh taolo menga shunday taqdir yozgan bo'lsa kerak", – dedi rossiyalik jangchi Adam Zubaraevga bergan intervyusida.

Bir hafta oldin Xamzat CHimaev Moskvada bo'lib o'tgan RAF professional kurash ligasi turnirida navbatdagi muddatidan avvalgi g'alabasini qo'lga kiritdi. U tadbirning asosiy jangida UFC`ning yarim o'rta vazndagi sobiq chempioni Tayron Vudlini bir yarim daqiqa ichida mag'lub etgandi.