Xanchjou-2022, Parij-2024: Sport kurashlarida rejalar muhokama qilindi

O'zbekiston Milliy olimpiya qo'mitasi hamda Jismoniy tarbiya va sport vazirligi bilan hamkorlikda tashkil etilayotgan mazkur tadbir doirasida bugun O'zbekiston Sport kurashlari associaciyasining tayyorgarlik rejasi muhokama qilindi.

ZOOM platformasida o'tkazilgan tadbirda O'zbekiston Milliy olimpiya qo'mitasi prezidenti Rustam SHoabdurahmonov, MOQ Bosh kotibi Oybek Kasimov va boshqa mutasaddilar ishtirok etdi. Taqdimotni Associaciya bosh kotibi SHuhrat Mamadaliev olib bordi.

"Butun dunyoga katta tashvish keltirgan koronavirus pandemiyasi sportni ham chetlab o'tgani yo'q. Buning natijasida barcha musobaqalar, shu jumladan Tokio-2020 Olimpiadasi ham bir yilga kechiktirildi. SHunga qaramay, sport kurashi vakillarimiz bir zumga ham tayyorgarlikni susaytirishmadi. Uy sharoitida bo'lsa-da, murabbiylar tomonidan ishlab chiqilgan reja asosida mashg'ulotlarni olib borishdi. Karantin qoidalari yumshatilganidan keyin esa boshqa sport turlari qatori kurashchilarimiz ham mashg'ulot zallariga qaytishdi. Bugungi kunda o'smir va yoshlarimiz Toshkent viloyatininng CHimyon tog'larida, kattalar terma jamoamiz esa poytaxtda o'quv-mashg'ulot yig'iniga kirishgan. Hozir bor etiborimiz Olimpiya o'yinlarining licenzion musobaqalariga qaratilgan. Barcha vazn toifalarida yo'llanmalarni qo'lga kiritishimiz shart. SHuningdek, parallel ravishda Xanchjou-2022 Osiyo o'yinlari va Parij-2024 Olimpiadasiga ham tayyorgarlik ketayapti. Bizda selekciya ishlari natijasida zaxira kuchli shakllangan. Yoshlarimizning xalqaro arenada ko'rsatayotgan natijasi fikrimga isbot bo'la oladi. Erkin, yunon-rim va ayollar kurashi terma jamoalarimizning ichki zaxirasi haqida iliq fikr bildira olaman. Ishlashda, yangi marrazalarni zabt etishda davom etamiz", - dedi Mamadaliev.

Tadbir yakunida MOQ prezidenti Rustam SHoabdurahmonov va boshqa mutasaddilar taqdimot yuzasidan o'z fikr-mulohazalarini bildirishdi.