Xaver Mendes: "Umar Nurmagomedovning 2024 yilda UFC chempioni bo'lishiga kafolat beraman"

AKA sport zali asoschisi va eng engil vazn toifasi (- 61 kg)da rossiyalik UFC jangchisi Umar Nurmagomedov (15-0, reytingda - 11)ning murabbiyi Xaver Mendes shogirdining UFC'dagi kelajagi haqida gapirdi.

"Raoni Barselos bilan jangdan so'ng, balki UFC bizga chempionlik uchun imkoniyat berar, agar bunday bo'lmasa, yana jang qilish kerak bo'ladi. Agar Umar bu yil chempionlik uchun kurashish imkoniyatiga ega bo'lmasa, keyingisida bunday imkon albatta bo'ladi. 2024 yilda Umar UFC chempioni bo'ladi, bunga kafolat beraman", - dedi Mendes The Schmo YouTube kanaliga bergan intervyusida.

Umar Nurmagomedov navbatdagi jangini 15 yanvar kuni Las-Vegas (AQSH)da tashkil etilayotgan UFC Fight Night musobaqasi doiasida braziliyalik Raoni Barselos (17-3)ga qarshi o'tkazadi.