Xitoy kompaniyasi bilan “Toshkent-2025” IV yoshlar Osiyo o'yinlariga tayyorgarlik masalalari muhokama qilindi

Mehmonlarni MOQ Bosh kotibi Oybek Kasimov qarshi oldi. SHundan so'ng tomonlar o'rtasida hamkorlik aloqalarini yo'lga qo'yish bo'yicha muzokara olib borildi.

Kompaniya mamlakatimiz yaqin yillarda mezbonlik qiladigan yirik musobaqalarga birgalikda tayyorgarlik ko'rish bo'yicha o'z takliflarini ilgari surdi. SHu bois “Toshkent-2025” IV yozgi Osiyo o'yinlariga tayyorgarlikda o'zaro hamkorlikni yo'lga qo'yish uchrashuvlarning bosh mavzusiga aylandi. 

Mehmonlar kompaniyaning so'nggi yillarda qaysi loyihalarda ishtirok etgani xususida batafsil malumot berishdi. Unga ko'ra, kompaniya Xitoyda so'nggi 15 yil ichida o'tgan barcha kompleks musobaqalarda qurilish-montaj, tashkiliy ishlar, logistika, autsorsing kabi yo'nalishlarda faol qatnashgan.

SHundan kelib chiqqan holda, Xitoy kompaniyasi “Toshkent-2025” IV yozgi Osiyo o'yinlarining Tashkiliy qo'mitasi uchun turli yo'nalishlar, xususan, musobaqalarni tashkil etish va o'tkazish bo'yicha xizmatlarini taklif qildi.

O'z navbatida, Oybek Kasimov taklif uchun minnatdorchilik bildirib, O'yinlarga tayyorgarlik jarayonida Xitoy tajribasi o'rganib chiqilishi va buning asosida Respublika hukumatiga taklif kiritilishini malum qildi.