Xolifildning qulog'i yana xavf ostida. Tayson bilan trilogiya yaqinlashmoqda

Buning uchun faqat arablarning puli kerak...

Mayk Tayson va Evander Xolifild o'rtasidagi buyuk qarama-qarshilik haqida kim eshitmagan? Xatto sportdan mutlaqo yiroq odamlar ham Amerikada bir bokschi boshqasining qulog'ini tishlaganini eshitgan. Boks muxlislari Xolfild Taysonni boshi bilan yo'llagan zarbalar sabab g'azablantirganini bilishadi, bu esa o'z navbatida tishlarning ishlatilishiga olib kelgandi. Biroq, ayyorlikdan tashqari, Evander ajoyib mahoratga ega edi, buning natijasida u Mayk bilan ikkala jangda ham g'alaba qozondi. Bu, albatta karerasi boshida bo'lgani kabi emas edi.

Ringdagi keskin mojaro Tayson va Xolifildning yana ko'p yillar davomida bir-birlari bilan gaplashmasligiga olib keldi. Biroq, 2009 yilda buyuk bokschilar yarashishdi va yaqinda Evanderning tishlangan quloqlari ko'rinishidagi kannabis konfetlarini ishlab chiqarishni yo'lga qo'yishdi. Ammo do'stona munosabatlar ikki taniqli faxriyning uchinchi jang haqidagi umidlariga to'sqinlik qilmaydi. Undan tashqari, bu jang keksalikda qo'shimcha pul topishning ajoyib usuli.

Bir yil avval jang albatta bo'lib o'tadigandek tuyulardi, ammo moliyaviy kelishmovchiliklar tufayli uchrashuvni bekor qilishga to'g'ri keldi. Promouterlar Taysonni gonorarni o'zlashtirganlikda ayblashdi va hammasi barbod bo'ldi. Ammo kechagina Temir Mayk Evanderni mag'lub etishga tayyor ekanligiga shama qildi: "Men bu jang bo'lishini xohlardim, Saudiya Arabistonidagilar ham buni istashadi. Bilmayman... Meni ishontirish mumkin. Men bazi odamlar bilan gaplashishim kerak. Rostdan ham pul  to'lashga tayyor odamlarni ko'rganimda, boshim yaxshi ishlay boshlaydi".

Bu trilogiyani ko'plab boks muxlislari ko'rishni xohlaydi! Zero, ikkala faxriy ham yaxshi sport formasida: 56 yoshli Tayson tinimsiz mashg'ulot o'tkazmoqda va bir necha yil oldin Roy Jons bilan munosib ko'rgazmali jang o'tkazgan, 60 yoshli Xolifild ham yaqinda ringga chiqdi. Faqat hozir Evander u erda ikki daqiqadan ortiq tura olmadi va sobiq MMA superyulduzi Vitor Belfortning zarbalaridan so'ng nokautga uchradi.

So'nggi natijalarga ko'ra, Taysonning imkoniyatlari Xolifildnikidan yaxshiroq ko'rinadi. Va umuman olganda, Mayk o'zining potencial raqibiga qaraganda tezlik va reflekslarni ko'proq saqlab qolgan degan fikr bor. Taysonda afsonaviy trilogiyani g'alaba bilan yakunlash va xatto Xolifildni nokautga uchratish uchun ajoyib imkoniyat bor. Bu arab shayxlariga bog'liq, ular faxriylarga katta miqdorda gonorar taklif qilishlari shart.