16 fev 14:48
Yangiliklar

Velosport

Xolmurodov jahon chempionatida qatnashish huquqini qo'lga kiritdi

Velosport bo'yicha O'zbekiston terma jamoasi azosi Murod Xolmurodov trek bo'yicha o'tkaziladigan jahon chempionatida Point Race yo'nalishida ishtirok etish imkoniyatiga ega bo'ldi.

Jahon chempionati 27 fevral – 3 mart kunlari Polshada bo'lib o'tadi.

«Velosportda bunday kvotani qo'lga kiritish oson emas. Yo'llanmani kechroq olganimizga qaramay, biz yaqinlashib kelayotgan jahon chempionatiga jiddiy tayyorgarlik ko'ramiz va musobaqada yuqori natijaga erishishga harakat qilamiz», – dedi O'zbekiston velosport federaciyasi sport direktori Rustam Nurtdinov.

Ayni paytda sportchimiz Turkiyadagi o'quv-mashg'ulot yig'inlarida ishtirok etmoqda.