30 dek 09:27
Yangiliklar

Boshqalar

Xonobodda Bahodirlar o'yinlari va tosh ko'tarish bo'yicha O'zbekiston kubogi o'tkazildi

Andijon viloyatining Xonobod shahri Bahodirlar o'yinlari va tosh ko'tarish bo'yicha biryo'la ikki musobaqaga mezbonlik qildi.

Deyarli barcha viloyatlar hamda Toshkent shahridan kelgan 300 nafarga yaqin polvonlar O'zbekiston kubogi hamda murabbiylar A.Valiev, M.Gafarov, SH.Najmiddinov, T.Odiljonov xotirasiga bag'ishlab o'tkazilgan musobaqada o'zaro bellashishdi.

Bahodirlar o'yinlarining kattalar o'rtasidagi musobaqasida Avaz Haydarov (Toshkent) g'olib bo'ldi. Bekzod Xudoyqulov (Farg'ona) ikkinchi, Bahodir Yo'lchiev (Sirdaryo) esa uchinchi sovrinli o'rinni egalladi.

Yoshlar o'rtasidagi bahslarda kutilganidek, xonobodlik Nuriddin Ergashev g'oliblik shohsupasiga ko'tarildi. Ahror Mamajonov (Qo'qon) ikkinchi o'rinni egallagan bo'lsa, kuchli uchlikka Toshkent shahri vakili Asadbek O'zgenbaev yakun yasab berdi.

O'zbekiston Kubogining tosh ko'tarish bahslarida S.Ergashev (Toshkent shahri, 60 kg), M.Qurbonov (Toshkent viloyati, 70 kg) N.Mirzaev (65 kg), SH.Ergashev (Toshkent, 75 kg), N.Oxunjonov (Toshkent, 80 kg), J.Qurbonov (Sirdaryo, 90 kg), I.Hokimjonov (Sirdaryo, +90kg).

Ushbu yo'nalishning qizlar o'rtasidagi bellashuvlarida Nafisa Abdullajonova (Xo'jabod, 60 kg), Gulmira Ibrohimova (Sirdaryo, 70 kg), Nigora O'zgenova (Xo'jabod, +70 kg) mamlakat kubogi sohibi bo'ldi.

SHuningdek, imkoniyati cheklanganlar o'rtasida ham musobaqa tashkil etildi. Unda Javohir Ahmedov (Xonobod, 60 kg), Kamron SHokirjonov (Xonobod, 70 kg), Muxtorjon Yo'ldoshev (80 kg), Ashrov Umarov (Buxoro, +80 kg) o'z vazn toifalarida g'olibga aylanishdi.

Bundan tashqari, musobaqa doirasida O'zbekiston Bahodirlar o'yinlari va tosh ko'tarish federaciyasining Konfrenciyasi ham bo'lib o'tdi. Unda federaciya raisi Vohiddin Najmiddinov, raisning birinchi o'rinbosari N. Muratov, rais o'rinbosarlari I.Nasriev, M.Tojibaev, S.Muratov, bosh kotib Q.Arzibaev bir ovozdan o'z lavozimlariga qayta saylanishdi. Bosh murabbiy Lochin Husanov, yoshlar terma jamoasi bosh murabbiyi Nuriddin Ergashev, shuningdek, federaciya ijrochi direktori SH.Ergashev ham o'z vazifalarini davom ettiradigan bo'lishdi.