XOQ Tokio-2020ning qoldirilmasligi haqida rasmiy xabar berdi

Bu yilning eng yirik sport musobaqalaridan biri, shubhasiz, iyul-avgust oylarida o'tadigan Tokio-2020 yozgi Olimpiya o'yinlaridir. Bir qator xorijiy OAVda bo'lajak Olimpiadaning qoldirilishi bo'yicha xabarlar, muhokamalar keng avj olayotgan bir paytda Xalqaro Olimpiya qo'mitasi (XOQ) bu borada rasmiy bayonot berdi.

Unga ko'ra, bo'lajak Olimpiya o'yinlari belgilangan sanada o'tkaziladi, faqat bunda tashkiliy qo'mita 2 ta eng muhim shartga amal qiladi:

1. Olimpiya o'yinlarida ishtirok etadigan har bir sportchi, delegaciya azolarining xavfsizligini taminlash;
2. Olimpiya sport turlari va atletlar manfaatini himoya qilish.

Ayni paytga kelib musobaqaning 57 foiz yo'llanmalari o'z egalarini topib bo'lgan va qolgan 43 foiz licenziyalar taqsimoti quyidagi tartibda amalga oshiriladi:

1. Qo'lga kiritilgan kvotalar MOQ va sportchilar hisobida qoladi.
2. Rejalashtirilgan kvalifikacion turnirlar har bir jamoa va sportchilar uchun qulay va xavfsiz muhit yuzaga kelganida adolatli amalga oshiriladi.
3. Saralash tizimidagi har qanday o'zgarishlar quyidagilarga asoslanadi:
– SHu vaqtgacha bo'lgan natijalar (avvalgi ko'rsatkichlar, milliy federaciyalar reytingi va hokazo);
– Mavjud tanlov tamoyillari (kontinental va mintaqaviy musobaqalar, qo'lga kiritilgan reytinglar va boshqalar). Qolgan kvotalar istisno holatlarida Tokio-2020 tashkiliy qo'mitasining ko'rib chiqishi bilan taqsimlanishi mumkin.

Yuqorida keltirib o'tilgan tamoyillarga muvofiq milliy federaciyalar har bir sport turining saralash tizimidagi kamchiliklari bo'yicha alohida takliflar kiritishi mumkin. Har qaysi o'zgarishlar (har bir sport turi uchun) 2020 yil aprel oyining boshigacha elon qilinadi.