Xorazmda “Biz koronavirusni birgalikda engamiz!” xayriya akciyasi davom etmoqda

Bu borada, mamlakatimizda ham tegishli va samarali ishlar amalga oshirilayotir. SHunday sinovli paytda aholining ijtimoiy himoyaga muhtoj bo'lgan qatlami, kam taminlangan oilalarga moddiy yordam ko'rsatish, bemor va qariyalar holidan xabar olish maqsadida korxona va tashkilotlar, tadbirkorlik subektlari xayrli ishlarni amalga oshirishyapti. Mubolag'a emas, bu azal-azaldan, avloddan avlodga  o'tib kelayotgan milliy urf-odat va qadriyatlarimiz silsilasidir.    

Bugungi kunda Xorazm viloyati jismoniy tarbiya va sport boshqarmasi tomonidan “Biz koronavirusni birgalikda engamiz!” shiori ostida o'tkazilayotgan xayriya akciyasi doirasida vohaning shahar va tumanlarida istiqomat qilayotgan keksa sport faxriylari, yani turli yillarda sport tashkilotlarida ishlagan insonlar, jismoniy tarbiya fani o'qituvchilari, trenerlar va sportchi faxriylar holidan xabar olinmoqda.  

Ayni damda, akciya tadbirlari vohaning barcha shahar va tumanlarida davom etmoqda. Jumladan, viloyat  jismoniy tarbiya va sport boshqarmasi boshlig'i SHakir Madaminov shu kunlarda bog'otlik Qadamboy Ro'zmetov, SHonazar Yo'ldoshev, gurlanlik Yo'ldosh Sodiqov, Rustam Ortiqboev, Urganch tumanida yashovchi Yovbosar SHomuratovlar xonadonida bo'lib, hol-ahvol so'rashdi. O'z navbatida ularni manan qo'llab-quvvatlash maqsadida viloyatda jismoniy tarbiya va sportni yanada  rivojlantirish, etuk sportchilarni voyaga etkazish, buning barobarida, yoshlarni sog'lom ruhda tarbiyalash yo'lidagi ko'p yillik samarali mehnatlari uchun boshqarmaning tashakkurnomasi, shuningdek, koronavirus karantini davrida yordam tariqasida oziq-ovqat mahsulotlarini topshirdi.

“Biz koronavirusni birgalikda engamiz!” shiori ostida uyushtirilayotgan mazkur xayriya akciyasida tizim tashkilotlari, shahar va tumanlar bo'limlari, sport talimi muassasalari va sport maktablari jamoalarining hammasi faol ishtirok qilmoqdalar.

Ikrom XUDOYBERGANOV tayyorladi