Xorazmda katta sport sayli o'tkazildi

Ushbu tadbirda 16 hil sport turidan (karting, velosport, dzyudo, taekvando, kurash, boks, sport kurashlari, karate, badiiy va sport gimnastikasi, baydarkada eshkak eshish va boshqalar) ko'rgazmali chiqishlar namoyish qilindi. Kun davomida «Yoshlik» sport majmuasining zallari va maydonchalarida o'tkazilgan bellashuvlarda 16 000 ga yaqin havaskor sportchilar ishtirok etishdi.

Ushbu sport bayrami viloyat hokimi o'rinbosari Sanat Salaev tomonidan ochib berildi. SHundan so'ng Xalqaro va Respublika miqyosda muvaffaqiyatga erishgan sportchilar ishtirokida mahorat saboqlari namoyish qilindi. Xonandalarning o'ziga xos chiqishlari tadbirga yanada fayz bag'ishladi.