Xorazmlik paralimpiyachilarga ham uylarning kaliti topshirildi + FOTO

Ana shunday tadbirlardan navbatdagisi Xorazmda bo'lib o'tdi. Unda sportchilari va ularning murabbiylari, ota-onalari, sportchi yoshlar, davlat va jamoat tashkilotlari vakillari ishtirok etdi.

Viloyat hokimi Farhod Ermanov Paralimpiya o'yinlari g'oliblarini erishgan ulkan g'alabalari bilan yana bir bor muborakbod etib, sportchilarning murabbiylari va ota-onalariga samimiy minnatdorchilik bildirdi.

XVI Paralimpiya o'yinlarida bog'otlik paradzyudochi Uchqun Quronboev oltin, shovotlik Ro'za Qo'zieva para pauerlifting bo'yicha kumush, bog'otlik paradzyudochi Nafisa SHaripboeva bronza medalni qo'lga kiritdi.

Viloyat hokimi Paralimpiya o'yinlarida yuqori natijalarga erishgan sportchi va murabbiylarni munosib taqdirladi. Paradzyudochi Uchqun Quronboev va uning murabbiyi Alfiya Ibragimovalarning har biriga ikki xonali, pauerliftingchi Ro'za Qo'zieva va paradzyudochi Nafisa SHaripboevalarga esa bir xonali uylar tantanali ravishda topshirildi.

Sportchi va murabbiylar, ota-onalar so'zga chiqib, davlatimiz tomonidan ko'rsatilayotgan yuksak etibor va rag'bat uchun minnatdorlik bildirdilar, 2024-yilda Parijda bo'ladigan Paralimpiya o'yinlarida bundan ham yuqori natijalarni qo'lga kiritishga vada berdilar.