XXXI yozgi butunjahon Universiada o'yinlarining ilk musobaqalari boshlandi

Aytish lozim, Xitoyda boshlangan Universiada o'yinlarida dunyoning 119 ta davlatidan 5100 nafardan ziyod talaba-sportchilar 18 ta sport turidagi 269 ta medallar jamlanmasi  uchun bahs olib boradi.

Mazkur Universida musobaqalarida mamlakatimiz talaba-sportchilari 7 ta sport turida yurtimiz sharafini himoya qilmoqda. Taekvondo sport turidan 14 nafar, dzyudo 14, gimnastika 3, tennis 6, engil atletika 7, ushu 5, qilichbozlik sport turida 20 nafar sportchimiz medallar uchun kurash olib borishi belgilangan.

Bugun, 29 iyul kuni CHendu shahridagi Universiada shaharchasida terma jamoamiz uchun tashkil qilingan "CHendu-2021” shtabida O'zbekiston Respublikasi Yoshlar siyosati va sport vazirining o'rinbosari SHahrullo Maxmudov terma jamoamiz azolari bilan uchrashdi.  

Muloqot davomida tashkiliy masalalar muhokama qilinib, musobaqalarni yuqori darajada boshlash bo'yicha har bir sport turi bo'yicha rejalar tayyorlanib umumlashtirildi. Sport turlari bo'yicha murabbiy va mutaxassislarning fikr-mulohazalari tnglanib, zarur yo'l-yo'riq hamda ko'rsatmalar berib o'tildi.

Bugun kun davomida 11 nafar sportchilarimiz musobaqalarda ishtirok etishga kirishadi. Jumladan, tennis sport turida Nasiba Espolova va Omina Valixanova yakkalik baxsining dastlabki bosqichida ishtirok etsa, ushu sport turida Darya Latisheva nandao dasturida, Aziz Qahramonov changkuan dasturida chiqish qiladi. 

Universiada o'yinlarining dzyudo musobaqalarida Fotimaxon Tursunboeva 48 kilogrammda, Gulxayo Juraeva  52 kilogrammda, Yulyana Maksetbaeva 57 kilogrammda, Kamoliddin Baxtiyorov 60 kiloda, Abdurahim Nutfulloev 66 kiloda medallar uchun kurash olib boradi.

To'lqin RO'ZIEV tayyorladi