Yan: "Maxachev Xabibni ortda qoldirdi deb o'ylamayman"

Eng engil vazn toifasida rossiyalik UFC sobiq chempioni Petr Yan hamyurti, engil vazn toifasida amaldagi UFC chempioni Islam Maxachev haqida gapirdi.

"Islam Xabibni ortda qoldirdi, deb o'ylamayman. Ishonchim komil, u yana ikki yoki uch marta kamarini himoya qilishi kerak, keyin shunga qarab, ularni taqqoslash mumkin. Umid qilamanki, Maxachev va Volkanovski o'rtasida revansh o'tkaziladi. Qachonligini bilmayman, lekin bu hamma uchun qiziqarli bo'ladi. Bu yigitlarning o'ziga ham qiziq, ikkalasi ham yanada jiddiyroq jang qilishadi", - deya Yanning so'zlarini keltiradi Vprognoze.ru.

Eslatib o'tamiz, Islam Maxachev va Aleks Volkanovski o'rtasidagi chempionlik jangi 12 fevral kuni Pert shahrida (Avstraliya) tashkil etilgan UFC 284 musobaqasi doirasida o'tkazilgan edi. Ushbu jangda Islam Maxachev hakamlar qarori bilan g'alaba qozonib, o'z kamarini saqlab qolgan edi.

Malumot uchun, Petr Yan navbatdagi jangini 11 mart kuni gruziyalik Merab Dvalishviliga qarshi o'tkazadi. Mazkur oqshom doirasida hamyurtimiz Mahmud Muradov dog'istonlik Abusupyan Magomedovga qarshi oktagonga ko'tariladi.