09 sen 01:21
Yangiliklar
Dzyudo, Tokio-2020
Yana bitta medal. Sevinch Salaeva bronza medali sohibasi!
Braziliyaning Rio-de-Janeyro shahri mezbonlik qilayotgan Paralimpiya o'yinlari o'zbekistonlik sportchilar uchun muvaffaqiyatli davom etmoqda.
To'rt yillikning nufuzli musobaqasida O'zbekiston Paralimpiya terma jamoasining 32 nafar sportchisi 5ta sport turida yurtimiz sharafini himoya qilyapti.
Xabar berganimizdek, dzyudo musobaqasining erkaklar o'rtasidagi 60 kg vazn toifasidagi bahslarida tatamiga chiqqan hamyurtimiz SHerzod Namozov barcha raqiblarini mag'lubiyatga uchratib, Paralimpiya o'yinlari chempioniga aylangandi.
Terma jamoamiz g'aznasiga ikkinchi medalni yana bir dzyudochimiz Sevinch Salaeva taqdim etdi. 52 kg vazn toifasidagi bahslarda ishtirok etgan Xorazm dzyudo maktabi tarbiyalanuvchisi bronza medalini qo'lga kiritdi. Yarim finalda germaniyalik raqibasiga yutqazib qo'ygan Sevinch bronza medali uchun kechgan bahsda kanadalik Priskilla Gagneni mag'lubiyatga uchratdi.
Havola :
Manba : olamsport.com
Fikrlar