Yangi O'zbekiston – yangicha dunyoqarash! g'oyasi ostidagi targ'ibot tadbirlari Qarshida ham tashkil etildi

Bu borada ayniqsa, turli sport musobaqalari hamda sportchilarning chiqishlari targ'ibot tadbirlarining o'ziga xos bezagi bo'lmoqda.

Jumladan, tumandagi Madaniyat markazi, tuman bolalar-o'smirlar sport maktabi hamda mahallalarda o'tkazilgan targ'ibot tadbirlari xalqimizning kayfiyatini yanada ko'tardi.

Mazkur tadbirda O'zbekiston Respublikasi Prezidentining tashkiliy masalalar va kadrlar bo'yicha Davlat maslahatchisi o'rinbosari Qahramon Quranboev, O'zbekiston yoshlar ishlari agentligi direktori Alisher Sadullaev, Qarshi tumani hokimi Maqsuda Mustafoeva hamda viloyat jismoniy tarbiya va sport boshqarmasi boshlig'i v.v.b. Zafarjon Mamadaliev va boshqa mutasaddi rahbarlar ishtirok etishdi.

Tadbirda sportning stol tennisi, dzyudo, boks, voleybol, shaxmat, taekvondo va milliy sport o'yinlaridan tosh ko'tarish hamda arqon tortish turlari bo'yicha musobaqalar tashkil etildi. SHuningdek, rahbarlar sport maktabida yoshlar uchun yaratilgan shart-sharoitlar bilan ham yaqindan tanishib, bu erdagi to'garaklar faoliyatini ko'zdan kechirishdi.

Yuqori saviyada tashkil etilgan musobaqalar so'ngida g'olib va sovrindorlar hamda faol ishtirok etgan yoshlar tashkilotchilar tomonidan esdalik sovg'alari bilan taqdirlanishdi.