Yangi qaror loyihasi Umid Ahmadjonov boshchiligida yana bir bor muhokama qilindi

Uchrashuvda Milliy olimpiya qo'mitasi Prezidenti Umid Ahmadjonov, Bosh kotib Jasur Matchanov bilan birgalikda, yurtimizdagi suv sporti, kamondan otish, engil atletika, badminton, boks, baydarka va kanoeeda eshkak eshish, velosport, ot sporti, qilichbozlik, futbol, golf, gimnastika, gandbol, chim ustida xokkey, dzyudo, karate, zamonaviy beshkurash, o'q otish, stol tennisi, taekvondo, triatlon, voleybol, og'ir atletika hamda sport kurashlari federaciyalari rahbarlari ishtirok etdilar.

MOQ rahbari sport federaciyasi masullaridan sport turlarini tubdan isloh qilish, to'g'ri yo'nalish berish bo'yicha takliflarni so'radi. 

SHuningdek, Umid Ahmadjonov bundan buyon sportchilar qatiy tartib asosida musobaqalarga tayyorgarlik ko'rishlari, bu masalada yangi mexanizm ishlab chiqish fursati allaqachon etib kelgani haqida gapirdi.

"Sportchilarimiz uchun barcha sharoitni yaratib berishga tayyormiz. Ularga stipendiyalarni to'lashda davom etamiz. Kerak bo'lsa to'lanadigan pul miqdorini ham bir necha marta oshirib bera olamiz. Faqat ular bilan shartnoma imzolaymiz. U erda o'z talablarimiz bo'ladi. Engil atletikachi kuniga necha km masofa yugurishi kerak? U ertalab nechchida uyqudan turishi lozim? Qanday ovqatlar istemol qilyapti? Kechqurun choyxona-yu, restoranlarda yurmayaptimi? MOQ qoshida ularni nazorat qiladigan inspekciya tashkil qilinadi. SHartnomadagi shartlarga amal qilmaganlar jazolanadi. Sportchida qatiy tartib bo'lishi lozim. Maqsadimiz - sportchilarimizni qatiy tartib asosida musobaqalarga tayyorlash. Tartib bo'lgan joyda natija ham bo'ladi", - dedi Umid Ahmadjonov.

Yig'ilishda selekciya ishlariga alohida etibor qaratilishi lozimligi yana bir bor takidlandi.

"Yosh iqtidor egalarini maktablardan tanlab olamiz. Keyin esa ular ixtisoslashtirilgan sport maktablariga o'tkaziladi. So'ngra talabga javob beradiganlar Olimpiya zaxiralari kollejiga qabul qilinadi. SHuningdek, Olimpiya zaxiralari kollejlarida tahsil olayotgan 600 nafar sportchilar orasidan 50 ta eng iqtidorlilarini tanlab olamiz va ular kolejlar qoshida tashkil etiladigan Olimpiya markazlarida 24 yoshgacha biz bilan bo'lishadi. Aks holda, ushbu kollejlar bitiruvchilari ko'p hollarda ko'chada qolib ketmoqda. Ana shundagina biz selekcciyaning mukammal tizimini yarata olamiz", - deb kuyunib gapirdi MOQ rahbari.

Bundan buyon Olimpiya zaxiralari kollejlariga sportchilar federaciya vakillaridan tashkil topgan komissiya ishtirokida tanlab olinadi.

Qolaversa yig'ilishda CHimyon, Zomin, Qashqadaryo va Namanganda olimpiyachilar shug'ullanib, yig'in o'tkazishlari uchun yangi bazalar bunyod etilishi haqida malum qilindi. Umid Ahmadjonov davlat tomonidan sport sohasi uchun ajratilayotgan pullarni to'g'ri yo'naltirish uchun mutaxassislardan taklif so'radi.

"Bilasizmi? Viloyatlarda mahalliy byudjetdan sport sohasini rivojlantirish uchun har yili juda milliardlab mablag' ajratiladi. Biz bu pullarni to'g'ri sarflashimiz, samarali ishlatishimiz lozim. Ana shundagina natijalar o'z-o'zidan paydo bo'ladi", - dedi Milliy olimpiya qo'mitasi Prezidenti.

Yig'ilishda ot sporti federaciyasi bosh kotibi Eldor Anorboev sportning ushbu turini rivojlantirish yo'lida qanday ishlar amalga oshirilayotganligi haqida gapirib berdi.

"Ot sporti federaciyasi viloyatlardagi holatni ham borib o'rgandi. SHunga amin bo'ldikki, deyarli har bir bo'limda baza bilan bog'liq muammolar bor. Federaciya tizimidagi tashkilotlarda anjomlar yana bir bor inventarizaciya qilib chiqildi. Bizning sportimizda asosiy inventar ot hisoblanadi. SHunga qarab, qaysi xududda ot sportini yanada rivojlantirish uchun imkoniyat borligi, qaysi xududlarda buning uchun sharoit yo'qligi o'rganib chiqildi. 

SHuningdek, MOQ rahbariyatiga ixtisoslashtirilgan sport maktablaridan ot sportini ajratish taklifini berdik. CHunki, sportning ushbu turi uchun alohida sharoitlar lozim bo'ladi. Aytmoqchimanki, ishni quyi bo'g'inlardan boshlab ko'rib chiqmasak, muammolarning echimini topish qiyin. Ot sporti federaciyasi shu yo'ldan ketmoqda", - dedi federaciya bosh kotibi Eldor Anorboev.

Bu kabi yig'ilishlar Milliy olimpiya qo'mitasida hali ko'p o'tkaziladi. Maqsad – mamlakatimizda sportni rivojlantirishning yangi, mukammal tizimni yaratish, xalqaro maydondagi g'alabalar salmog'ini oshirish, Olimpiya harakati va sportning ommaviyligini oshirishdir.