Yanning menejeri Sterlingga g'alaba keltirishi mumkin bo'lgan yagona imkonni aytdi

"Sterlingga sportchi sifatida hech qanaqasiga kam baho berib bo'lmaydi. Bu gap-so'zlar va masxarabozlik ortida u tajribali va xavf tug'dira oladigan jangchi bo'lib qolaveradi. Nima bo'lganda ham unga past baho bermaslik kerak.

Agar Pyotr u bilan jangda hissiyotga berilsa va unga past baho bersa, bu Sterlingning g'olib bo'lish uchun yagona imkoniyati bo'ladi. Agar, Pyotr sovuqqon bo'lsa, o'z ishini sovuqqonlik bilan bajarsa, unda Sterlingda hech qanday imkoniyat bo'lmaydi. Tabiiyki, Sterling bunga umid qilmoqda, u Pyotrni muvozanatdan chiqarishga harakat qiladi, ammo lagerda, jamoada, har qanday holatda ham Sterlingni past baholab bo'lmaydi".

SHu bilan birga Abduraxmanov amerikalik sportchi boksda so'nggi bir yil ichida Yanning darajasiga chiqa olganiga ishonmasligini aytdi.

"Sterling butun umrini boksga sarflashi mumkin, lekin u Pyotrning darajasida emas. SHunday ekan, u o'zining kuchli tomonlari ustida ishlayvergani maqul. SHunda, o'zi uchun yaxshiroq bo'ladi", — deb aytib o'tgan Abduraxmanov o'z intervyusida.

Eslatib o'tamiz, engil vazn toifasida Pyotr Yan va Aljemeyn Sterling o'rtasidagi chempionlik jangi 9 aprel sanasida, Jeksonvildagi UFC 273 turniri doirasida bo'lib o'tadi.