Yaponiya sport kurashlari terma jamoasi JCHga bormaydi

Birlashgan Kurash dunyosining Ijroiya qo'mitasi mazkur musobaqani o'tkazishga ruxsat bergan bo'lsa-da, bazi etakchi jamoalar unda ishtirok etishdan bosh tortmoqda.

Kuni kecha AQSH terma jamoasi o'z sportchilarini Serbiyaga jo'natmasligi haqida malum qilgan edi. Endi esa bo'lajak Olimpiya o'yinlari mezboni Yaponiya termasi ham Evropaga safar qilmasligi aniq bo'ldi.

“Yaponiya sport kurashlari federaciyasi atletlarini Serbiyaga jo'natmaslikka qaror qildi. Bunga sabab Evropada koronavirus pandemiyasining yana avj olayotgani. Sportchilarimizning salomatligi va xavfsizligi uchun shunday qaror qabul qilindi”, – deyiladi rasmiy bayonotda.

Eslatib o'tamiz, 2019 yil Qozog'istonda o'tgan jahon chempionatida AQSH termasi umumjamoa hisobida ikkinchi, yaponiyaliklar esa to'rtinchi o'rinni egallashgan. Hozirda Evropaning bir qator mamlakatlarida koronavirus infekciyasi bilan kasallanish va o'lim holatlari bo'yicha antirekordlar yangilanmoqda.