Yaponiyalik murabbiyning shartnomasi yakunlandi

O'zbekiston dzyudo federaciyasi hamda Torii o'rtasidagi shartnoma Tokio-2020 Olimpiadasi yakuniga qadar imzolangan edi. To'rt yillikning eng nufuzli musobaqasi esa koronavirus pandemiyasi sabab bir yilga surildi.   

Malumot uchun, Tomoo Toriining yurtimizga kelishi O'zbekiston va Yaponiya davlatlari o'rtasidagi do'stona aloqalar doirasida amalga oshirilgan edi. Bir yilga yaqin vaqt mobaynida tajribali mutaxassis, dunyoga mashhur Kodokan maktabi tarbiyalanuvchisi, xalqaro yo'riqchi (instruktor) Tomoo Torii faoliyati davomida orttirgan boy tajribasini barcha yosh toifasidagi terma jamoalarimiz azolariga ulashdi.    

- O'zbekistonga ilk bor 2002 yili kelgandim. O'shanda sportchi edim. Oradan shuncha yil o'tib, yurtingizda murabbiy sifatida ishlashga ham muvaffaq bo'ldim. O'zbekiston dzyudosi barcha davrlarda qita va jahonda o'z o'rniga ega bo'lgan. Dunyoda ham o'zbekistonlik dzyudochilarga alohida hurmat bilan qarashadi. Olimpiada va jahon chempionatlarida dzyudochilaringiz medallar uchun davogarlar qatorida etirof etiladi. Men bu erga O'zbekiston dzyudosi rivojiga yordam berish uchun kelgandim. O'ylaymanki, bu missiyani ozmi-ko'pmi uddaladim. Afsuski, koronavirus pandemiyasi sabab barcha o'ylagan rejalarimiz amalga oshmay qoldi. Nasib qilsa, biz kelasi yili Tokio Olimpiadasida uchrashamiz. Hammasi uchun rahmat!", - deydi Torii.