Yilning eng yaxshilari aniqlanadi!

Futbol bo'yicha O'zbekiston chempionati yakuniga etdi. G'olib va sovrindorlar aniq bo'lib ulgurdi. Terma jamoalarimiz uchun futbol mavsumi qanday yakuniga etganini o'zingiz yaxshi bilasiz.

Har bir yutuqni bittalab sanab o'tirmasdan, Braziliyaning Rio-de-Janeyro shahrida o'tgan XXXI yozgi Olimpiya va XV Paralimpiya o'yinlarini eslab o'tish kifoya. Ularda olimpiyachilarimiz jami 13ta (4ta oltin, 2ta kumush, 7ta bronza), paralimpiyachilarimiz 31ta medalni (8 ta oltin, 6 ta kumush va 17 ta bronza) qo'lga kiritdi.
Azim Toshkent shahri qita miqyosidagi uchta musobaqaga mezbonlik qildi. Futzal, dzyudo va og'ir atletika bo'yicha Osiyo chempionati, boks bo'yicha Butunjahon boks seriyasining VI mavsumidan o'rin olgan navbatdagi jang­lar o'tkazildi. Oktyabr oyida dzyudo bo'yicha Gran-Pri turkumiga kiruvchi o'nta yirik turnirning navbatdagi bosqichi ketma-ket to'rtinchi bor tashkil etildi. Tennis bo'yicha ayollar o'rtasida “Tashkent open” va erkaklar o'rtasida “Toshkent chellenjer” musobaqalari yuksak suratda o'tkazildi. Har bir musobaqa tashkil etilishi jihatidan barcha xalqaro talablarga to'la javob beradi.

Yurtimizga xalqaro sport federaciyalari tashrifi davom etdi. Xalqaro og'ir atletika, dzyudo, boks, tennis, suzish, o'q otish kabi o'nlab federaciyalar rahbarlari mamlakatimizda sport sohasida amalga oshirilgan ishlar bilan yaqindan tanishdi. Ular yurtimizda sportga yaratib berilgan shart-sharoitlarni yuksak etirof etishdi.
Gap nimada? Odatdagidek, jurnalistlar o'rtasida sport mavsumini sarhisob qilish uchun fursat etib keldi. Yilning eng yaxshilarini aniqlashga etibor qaratish lozim. To'g'ri, bu yangilik emas. Doimiy ravishda o'tkazib kelinadigan so'rov. Bu yilgi so'rovga boshqacha nazar tashlashimiz kerak bo'ladi. CHunki bu yil mamlakatimiz Mustaqilligiga 25 yil to'ldi, sportda chorak asrlikni sarhisob qilsa arziydi. Birgina yilning eng yaxshi sportchisini aniqlab olish bu yil murakkab kechadi. Misol uchun, “Yilning eng yaxshi ayol sportchisi”ni aniqlashda Oksana CHusovitina (sport gimnastikasi, 7 bor olimpiada ishtirokchisi), Yodgoroy Mirzaeva (boks, ilk bor olimpiadaga yo'llanmani qo'lga kiritgan ayol bokschi), Gulnoza Matniyozova (ilk bor Gran-Pri turnirida g'olib chiqqan sportchi), Fotimaxon Amilova (suzish bo'yicha XV Paralimpiya o'yinlarining oltin, kumush va bronza medallari sohibi, jahon rekordchisi) kabi qizlarimiz etakchilikka davogarlik qila oladi.

Futzal, dzyudo va og'ir atletika bo'yicha o'tkazilgan Osiyo chempionatlari “Yilning eng yaxshi sport musobaqasi” nomiga munosib nomzod. “Eng yaxshi murabbiy”, “Eng yaxshi jamoa”, “Eng yaxshi federaciya”, “Eng yaxshi yosh yoki faxriy sportchi”, “Yil voqeligi”, “Yil kashfiyoti” kabi nominaciyalarga ham bir nechta nomlarni misol qilib keltirish mumkin.

Demak, bu yilgi so'rovga o'zgacha nazar bilan qarash kerak. Har holda bu borada keskin raqobat vujudga kelishi muqarrar. Eng munosib sportchi yoki murabbiy bu nomga sazovor bo'lmog'i lozim. Birgalikda zo'rlarni aniqlaymiz. Bo'sh kelmang, hurmatli hamkasblar!

Quyidagi nominaciyalar bo'yicha g'oliblarni aniqlaymiz:

1. “Yilning eng yaxshi erkak sportchisi”
2. “Yilning eng yaxshi ayol sportchisi”
3. "Yilning eng yaxshi erkak paralimpiyachisi"
4. "Yilning eng yaxshi ayol paralimpiyachisi"
5. “Yilning eng yaxshi federaciyasi”
6. “Yilning eng yaxshi jamoasi”
7. “Yilning eng yaxshi sport musobaqasi”
8. “Yilning eng yaxshi murabbiyi”
9. “Yilning eng yaxshi yosh sportchisi”
10. “Yilning eng yaxshi faxriy sportchisi”
11. “Yil voqeligi”
12. “Yil kashfiyoti”

So'rovnomada ishtirok etish istagini bildirgan hamkasblar uchtadan nomzodni sport.1932@mail.ru elektron pochtasiga joriy yilning 15 dekabrigacha jo'natishlari mumkin.

Fazliddin SATTOROV

“Sport” gazetasining 47-sonidan (2016 yil) olindi