Yon qo'shnilarimiz Olimpiadada kamida 2ta oltin medal olishmoqchi

Bu haqda terma jamoa bosh murabbiyi Mirzagali Aytjanov intervyu berdi.

- Hozirda biz asosiy tayyorgarlik mashg'ulotlarini Almatidagi boks  Akademiyasida, o'rta tog'lik hududda olib boryapmiz. Asosiy etibor umum jismoniy va funkcional tayyorgarlikka qaratilgan. Yig'inimiz 21 kun davom etadi. Mashg'ulotlarda 35 nafar terma jamoa azolari ishtirok etmoqda. Ular orasida ikkinchi va uchinchi raqamli bokschilarimiz ham bor, -dedi M. Aytjanov.

Bosh murabbiyning so'zlariga qaraganda, ushbu yig'indan so'ng terma jamoa bir hafta davomida dam oladi. So'nggi yig'in 11-27 iyul kunlari Astana shahridagi Boksni rivojlantirish markazida o'tkaziladi.

- Unda biz texnik va taktik tayyorgarlikka etibor qaratib, sinov janglari o'tkazamiz. Biz hozir olimpiya o'yinlaridagi asosiy raqiblarimizning janglarini ko'rib, ularning “plyus” va “minus”lari haqida xulosa chiqaryapmiz. Sportchilarni ruhan tayyorlayapmiz. Maqsadimiz – ikkita oltin medalni qo'lga kiritish, biroq kimlar bunga asosiy davogar ekanini hozir aytmayman. Negaki, kutilmagan vaziyatlar sodir bo'lishi mumkin. SHubhasiz, hech kim bizga shunchaki medalni tortiq etmaydi. Barcha o'n nafar bokschimiz ham g'alabaga munosib. Maksimum vazifamiz 4-5ta medalni qo'lga kirtish, -deya qo'shimcha qildi Mirzagali Aytjanov. 

Malumot uchun, boks bo'yicha Qozog'itson erkaklar terma jamoasining 10 nafar azosi olimpiya o'yinlari licenziyasiga ega. Ular: Birjan Jakipov (49 kg), Oljas Sattibaev (52 kg), Qayrat Eraliev (56 kg), Berik Abdrahmonov (60 kg), Daniyar Eleusinov (64 kg), Vasiliy Levit (91 kg), Abilayxan Jusupov (64 kg), Janibek Alimxanuli (75 kg), Adilbek Niyazimbetov (81 kg) hamda  Ivan Dichko (+91 kg).