29 okt 19:33
Yangiliklar

Dzyudo

Yosh dzyudochilarimiz xalqaro turnirdan medallar bilan qaytishdi

Xabar berganimizdek, 25-28 oktyabr kunlari Qirg'iziston poytaxti Bishkek shahrida dzyudo bo'yicha 2005-2007, 2007-2008, 2009-2010 yillarda tug'ilgan o'g'il va qiz bolalar o'rtasida “BISHKEK OPEN 2019” xalqaro turniri bo'lib o'tdi.

Mazkur xalqaro musobaqaga puxta tayyorgarlik ko'rgan Uchkuduk shahar "Lochin" sport majmuasi dzyudochilari kuchlilar qatoridan joy olishdi.

Murabbiylar Sardor Sattarov va Alisher SHodmonov qo'l ostida shug'ullanayotgan Zarif Zokirov 50 kg vazn toifasida uchinchi, SHahboz Usmonov + 35 kg vazn toifasida uchinchi, SHohinazar Isomov 60 kg vazn toifasida ikkinchi, Robiya Abdillaeva 36 kg vaznda birinchi o'rinni egallab, xalqaro turnirdan medallar shodasi bilan qaytishdi.