Yosh sportchilar Abdulla Qodiriy muzeyida bo'lishdi + FOTO

O'zbekiston Respublikasi Prezidentining 2019 yil 13 dekabrdagi “O'zbekiston Respublikasi Qurolli Kuchlari tashkil etilganligining 28 yilligi hamda Vatan himoyachilari kuniga tayyorgarlik ko'rish va o'tkazish chora-tadbirlari to'g'risida”gi farmoyishida belgilangan vazifalar ijrosini taminlash bo'yicha O'zbekiston Respublikasi Vazirlar Mahkamasida 2019 yil 28 dekabrda o'tkazilgan videoselektor yig'ilishida belgilangan topshiriqlar ijrosi bo'yicha O'zbekiston Respublikasi Jismoniy tarbiya va sport vazirligining tegishli buyrug'i ijrosini taminlash maqsadida vazirlik tomonidan sport musobaqalari hamda joylarga ekskursiyalar amalga oshirilmoqda.

O'zbek romanchiligining asoschisi vatanparvar adib Abdulla Qodiriy xotirasiga ehtirom ko'rsatish, milliy adabiyotimizga qo'shgan beqiyos hissasini ulug'lash maqsadida, Prezident SHavkat Mirziyoev tashabbusi bilan poytaxtimizning Abdulla Qodiriy nomidagi madaniyat va istirohat bog'i oldida uning ijod maktabi va muzeyi barpo etildi.

Kecha ushbu maskanga poytaxtdagi sport maktablari tarbiyalanuvchilari uchun ekskursiya tashkil etildi.

Ekskursiya davomida yosh sportchilar adibning dunyo tan olgan asarlari, roman va qissalarining yaratilishi tarixini monitor orqali namoyish etilayotgan tarixiy va taniqli filmlar orqali tomosha qilishdi. Ushbu filmlar sportchilarda ajoyib taassurot, vatandoshimizga nisbatan cheksiz faxr uyg'otdi.

Tashrifdan ko'zlangan asosiy maqsad – bo'lajak chempionlarni adib hayoti va ijodi bilan yaqindan tanishtirish, ularda vatanparvarlik tuyg'ularini yanada yuksaltirishdan iboratdir.

Bunday tadbirlar yurtimizning barcha joylarida 10 yanvarga qadar davom etadi.