Yoshlarimiz 15 ta medal bilan Osiyo chempionatida birinchi bo'lishdi + FOTO

O'smirlarimiz 9 ta oltin, 5 ta kumush, 5 ta bronza medali bilan umumjamoa hisobida birinchi o'rinni egallashgandi. Bugun yoshlarimiz ham ikki kunlik murosasiz bellashuvlar yakuniga ko'ra qitada birinchi bo'lishdi. 

Yoshlar terma jamoamiz 7 ta oltin, 2 ta kumush, 6 ta bronza, jami 15 ta medal bilan 15 davlat orasida umumjamoa hisobida faxrli birinchi o'rinni band etishdi. 

To'rt kun davomida Bayrutda 16 marotaba O'zbekiston madhiyasi yangradi. Mamlakatimiz dzyudosi tarixida hali bunday natija kuzatilmagandi.    

Qozog'iston terma jamoasi 3 ta oltin, 1 ta kumush, 5 ta bronza medali bilan ikkinchi o'rinni qo'lga kiritgan bo'lsa, kuchli uchlikka 2 ta oltin, 5 ta kumush, 4 ta bronza medali bilan Janubiy Koreya terma jamoasi yakun yasadi.