30 noy 09:26
Yangiliklar

Velosport

Zabelinskaya hamda Xolmurodov navbatdagi licenziyalar uchun startga chiqadi

Olimpiya o'yinlariga velosportning shosse yo'nalishida yo'llanma qo'lga kiritgan sportchilarimiz Olga Zabelinskaya hamda Murodjon Xolmurodov endilikda trek bo'yicha licenziya olish uchun jiddiy bel bog'lagan.

Vakillarimiz trek yo'nalishi bo'yicha ketma-ket 3 ta Jahon kubogi bosqichlarida ishtirok etish uchun jo'nab ketishdi.

Sportchilarimiz ishtirok etadigan dastlabki bosqich 30 noyabr – 1 dekabr kunlari Gongkong mezbonligida o'tsa, 6-8 dekabr kunlari Yangi Zelandiyaning Kembrij, 13-15 dekabrda esa Avstraliyaning Brisben shahri navbatdagi bahslarga mezbonlik qiladi.

Malumot uchun, Jahon kubogida dunyo reytingidagi eng kuchli 24 nafar sportchi ishtirok etishi mumkin. O'tkaziladigan har bir bosqich esa Tokio Olimpiadasi uchun qimmatli reyting ochkolarini taqdim qiladi. Yana bir ahamiyatli jihati Zabelinskaya Jahon kubogi bosqichlarida ishtirok etadigan dastlabki ayol velosportchimiz sifatida o'zbek sporti tarixidan joy oladi.