Zamonaviy beshkurash bo'yicha O'zbekiston 1-ochiq chempionatining g'olib va sovrindorlari munosib taqdirlanishdi

Keskin va murosasiz kurashlarga boy o'tgan bellashuvlarda qariyib 20 nafar atletlar sportning besh yo'nalishi bo'yicha o'z mahoratlarini namoyish etishdi. Beshkurashchilar o'rtasidagi qilichbozlik bellashuvlari Paxtakor markaziy stadionining Yoshlik sport zalida tashkillashtirildi. Matonatli sportchilar shu kunning o'zida keyingi bellashuvlarga kirishdilar va poytaxtimizdagi Yoshlik sog'lomlashtirish-sport kompleksi (sobiq NBU sport majmuasi)da musobaqaning  suzish,  yugurish va o'q otish bahslarida ochkolar jamlashga kirishdilar.

1 aprel kuni ishtirokchilar Ot sporti bo'yicha Respublika oliy sport mahorat maktabida otni bo'ysundirish bo'yicha o'z mahoratlarini sinovdan o'tkazdilar. Musobaqa yakunlangach, O'zbekiston zamonaviy beshkurash federaciyasining faoliyati taqdimotiga bag'ishlangan marosimda federaciya Prezidenti Farruh Fazliev so'zga chiqib yig'ilganlarni qutladi va zamonaviy beshkurash bo'yicha O'zbekiston 1-ochiq chempionatining g'oliblarini elon qildi.

Unga ko'ra umumiy bellashuvlarda Ruslan Proxorov oltin medalni qo'lga kiritdi. Ruslan Mamatkulov kumush va Elezavetta Karajan bronza medaliga munosib ko'rildi.

Takidlash lozim, Elezavetta Karajan ayollar yo'nalishi bo'yicha yagona ishtirokchi bo'lganligi bois ramziy manoda oltin medalga ham sazvor bo'ldi. SHuningdek barcha sportchilar sertifikatlar bilan taqdirlandilar. Ot sporti bo'yicha Respublika oliy sport mahorat maktabi tarbiyalanuvchilari tomonidan namoyish etilgan musiqiy chiqishlar tadbirga bayramona ruh bag'ishladi.

O'zbekiston zamonaviy beshkurash federaciyasi axborot xizmati