Zuffa Boxing`ning ilk chempioni aniqlandi, u endi IBF kamaridan ayriladi

Unda avstraliyalik mag'lubiyat va murosa nimaligini bilmay kelayotgan 30 yoshli Jey Opetayya (30-0, 23 KO) amerikalik 34 yoshli Brendon Glenton (21-3, 18 KO)ga qarshi ringga ko'tarildi. O'n ikki raund to'liq davom etgan jangda Opetayya raqibini hakamlarning yakdil qarori bilan mag'lubiyatga uchratdi va birinchi og'ir vaznda Zuffa Boxing chempionligini qo'lga kiritdi. 

IBF va The Ring kamarlariga ega bo'lgan Opetayya 119-106, 119-106, 119-106 hisobida g'alaba qozondi. O'n birinchi raundda hakam Opetayyani raqibni ushlab qolgani uchun jazoladi. Glentondan esa oltinchi va sakkizinchi raundlardagi qoidabuzarliklar uchu ochko olib tashlandi. 

G'alabadan so'ng Opetayya hali ham birinchi og'ir vazn toifasidagi unvonlarni birlashtirmoqchi ekanligi hamda 2 may kuni WBA va WBO yo'nalishlari chempioni Xilberto Ramires va Devid Benavides o'rtasidagi jang g'olibi bilan uchrashmoqchi ekanligini aytdi.

IBF esa Opetayyaning chempionlik unvonidan mahrum qiladi. Garchi tashkilot avvalroq Glenton bilan jangga ruxsat bergan bo'lsa-da, keyin o'z sankciyasini qaytarib oldi. Biroq, Opetayya allaqachon komissiya to'lovlarini to'lagan va IBF qoidalarida ko'rsatilgan jang kuni qo'shimcha vazn o'lchashdan o'tgan.

"Men kamarlarni qo'lga kiritishga intilaman. SHov-shuv ko'p bo'lganini bilaman, lekin umid qilamanki, hammasi yaxshi bo'ladi va biz bu maqsadga erisha olamiz, - dedi Opetayya. - Men o'z yo'limdan qaytmayman. Meni kamardan mahrum qilishdi. Men uni qaytaraman va mutlaq chempionga aylanaman".

Takidlanishicha, Opetayya jamoasi IBF qarori ustidan shikoyat qilish uchun asosga ega. Tarixda bokschilar buni muvaffaqiyatli amalga oshirgan holatlar ham bo'lgan. Misol uchun, Graciano Rokkijani WBC uni chempionlikdan mahrum qilganda, qarshi davo bilan tashkilotni deyarli bankrot qilgan, Manuel CHarr esa o'zini WBA muntazam chempioni maqomiga tiklashga muvaffaq bo'lgan edi.