11 июл 17:30
Янгиликлар

Бокс/ММА

Адесанья Перейра билан жанг ҳақида: "Санани аниқлаб олганмиз"

Ўрта вазнда UFC чемпиони Исраэль Адесанья бразилиялик даъвогар Алекс Перейра билан жанг ўтказади.

Адесаньянинг жамоаси Перейра билан жанг санаси бўйича келишиб олган.

"Жанг санаси белгилаб бўлинган. Биз ҳаммасини ўйлаб, режалаштириб қўйганмиз", — дея Исраэлнинг сўзларини келтиради MMA Mania.

Эслатиб ўтамиз, Адесанья ва Перейра икки бор кикбоксингда тўқнаш келишган. Ҳар иккала жангда ҳам Алекс Адесаньяни мағлубиятга учратган. 2017 йилнинг март ойида Glory of Heroes 7 турнири доирасидаги жангда Перейра Адесаньяни нокаутга учратган эди.

Уларнинг ҳар иккиси ҳам UFC 276 турнирида ўз жангларини ғалаба билан якунлашди. Перейра Шон Стриклендни нокаутга учратган бўлса, Адесанья Жаред Канноньени очколар ҳисобига кўра мағлуб эта олганди.