Ислам Махачев титул жанги учун икки номзодни айтди

"Менга январь ойида жанг таклиф қилишди, лекин бу мумкин бўлмаган сана. Чунки мен лагерда уч ой бўлдим ва декабрь ойида менга қўнғироқ қилишди: "Январда жанг қиласанми?" Январь ойида аниқ жанг қилмаслигимни айтдим. Менга исмини айтишмади, лекин менимча, Майкл Моралесга қарши жанг. Бу менинг тахминларим - мен аниқ билмайман, менежерим ҳам билмайди. Рамазондан кейин - апрель, май, июнь, исталган саналар. Агар Оқ уйга қўймоқчи бўлишса, кутиб тураман. Бўлмаса, эртароқ уришишим мумкин.

Агар Шавкат қайтадиган бўлса, менимча, ҳозир кимдир унга камар учун жанг беради, деб ўйламайман. Лекин агар уни рақиб сифатида беришса - умуман муаммо йўқ. Ярим ўрта вазн тоифасида ҳозир кўплаб жангчилар бор, дивизион ўзгарди, кўплаб янги номлар пайдо бўлди. Моралес яхши рақиб бўларди, чунки мағлубиятсиз боряпти. Пратес яқиндагина Иан Гаррига ютқазиб қўйганди. Агар Гаррини олсак, у Шавкатга ютқазди. Уларда аллақачон мағлубият тарихи бор. Агар танлаш керак бўлса, ҳозирда яхши ишлаётган Майкл Моралес ёки Камару Усман рақибим бўлиши мумкин", - деди россиялик "Ушатайка" каналига берган интервьюсида.

Айни дамда UFC ярим ўрта дивизион рейтингида Майкл Моралес ва Камару Усман мос равишда тўртинчи ва саккизинчи поғоналарни эгаллаб турибди.