27 дек 20:32
Янгиликлар

Бокс/ММА

Муроджон Аҳмадалиев Наоянинг бугунги ғалабасига эътибор қаратди + ФОТО

Хабар берганимиздек, бироз аввал Ар-Риёд (Саудия Арабистони) шаҳрида профессионал бокс турнири якунига етди.

Оқшомнинг асосий жангида иккинчи энг енгил вазн тоифасида мутлақ жаҳон чемпиони Наоя Иноуэ мексикалик даъвогар Алан Дэвид Пикассога қарши рингга кўтарилиб, рақибига фаолиятидаги илк мағлубиятни тақдим этганди. Ўн икки раундга мўлжалланган жанг тўлиқ давом этган ва унда Иноуэ 119-109, 118-110, 117-111 ҳисобларида ғалаба қозонганди.

Эслатиб ўтамиз, Иноуэ бундан аввалги жангини сентябрь ойида Муроджон Аҳмадалиевга қарши ўтказиб, ҳакамларнинг якдил қарори билан очколар ҳисобига кўра зафар қучганди. Чарм қўлқоп устамиз жанг якунланганидан кейин Наоянинг ғалабасига қисқага муносабат билдирди. Муроджон Инстаграм саҳифасига иккита сурат жойлаб, японияликни ғалаба билан табриклаган.

Congratulations @naoyainoue_410

勝利おめでとうございます