Australian Open. Надаль чемпионлик ҳимоясига киришди

Жаҳоннинг иккинчи ракеткаси Рафаэль Надаль Австралия Очиқ чемпионатининг биринчи даврасида АТР рейтингида 38-ўринни эгаллаб турган британиялик Жек Дрэйперни 4 сетда мағлубиятга учратди. Уч соату 41 дақиқада давом этган муросасиз баҳсда Надаль 7/5, 2/6, 6/4, 6/1 ҳисобларида ғалаба қозонди.

Шу тариқа, испаниялик теннисчи мавсумдаги илк ғалабасини қўлга киритди. Дрэйпер билан учрашишдан олдин у сўнгги еттита ўйиннинг олтитасида мағлуб бўлганди. Учрашув давомида британиялик теннисчи сонининг орқа қисмидаги муаммолар туфайли бир неча бор физиологга мурожаат қилган.

Энди турнирнинг иккинчи босқичида Надаль америкалик Маккензи Макдональдга қарши баҳс олиб боради.