Баҳодир Жалолов: «Ҳеч қачон рингга рақибимни нокаут қиламан деб чиқмаганман»

"Устозларимиз биринчи раундда кўпроқ ишла дейишди, ишладик - ғалаба қозондик. Ҳали хурсанд бўлганимиз йўқ. Қачонки, олтин медални олганимиздан кейин хурсанд бўламиз. Бу ерга фақат олтин медаль учун келганмиз. Рақибимни нокаут қиламан деб режа қилмагандим, чунки уни биламан. Тошкентда бир марта спарринг қилганмиз, зарбаларга чидамли боксчи эди. Жанг уч раунд бўлади деб ўйлагандим. Ҳеч қачон рингга рақибимни нокаут қиламан деб чиқмаганман", - деди Баҳодир Жалолов.