Бивол Рамиреснинг гапларига муносабат билдирди

Аввалроқ, Рамирес Дмитрийни фаолиятидаги энг қийин рақиб сифатида кўрмаслиги ҳақида гапирганди. 

"Мен жамоамдан Рамирес билан жанг ташкил этиб беришлари ҳақида кўп сўрадим. Аммо барчаси менга боғлиқ эмас. У мени энг кучли рақиб деб ҳисобламаслиги? Тўғриси, бу мени ҳайрон қолдирмаяпти. У нималарни ўйлаётгани менга қизиқ эмас. Аксинча, мен уни фаолиятимдаги энг қийин рақиблардан бири деб ҳисоблайман. Бундай фикр менга диққатни сақлаб қолишга ёрдам беради. У яхши жангчи, рекорди 44-0 ни ташкил этади. Шунингдек у баланд бўйли, чапақай ва ўзига ишонган. Мен буни эсдан чиқариб қўймайман", - деди Бивол.