30 апр 14:10
Янгиликлар

Бокс/ММА

Бунақаси ҳар доим ҳам бўлавермайди: Мадримовнинг вазнидаги Фундора Тим Цзю билан реванш жанги учун WBO камаридан воз кечди

Проф бокснинг супер ярим ўрта вазн тоифасида WBC ва WBO йўналишлари чемпиони Себастьян Фундора WBO унвонини пуэрто-риколик Ксандер Заясга қарши ҳимоя қилишдан бош тортди.

У энди 19 июль куни Лас-Вегас шаҳрида ушбу дивизионда собиқ жаҳон чемпиони Тим Цзюга қарши реванш жангини ўтказишни режалаштирмоқда.

"Бу ҳамма кўрмоқчи бўлган жанг. Яна кимнингдир қони тўкилади. Биз бу жангни 19 июль куни Лас-Вегасда ўтказишимиз мумкин", дейди Фундоранинг промоутери Сампсон Левкович.

Эслатиб ўтамиз, Фундора ва Цзю ўртасидаги биринчи жанг 2024 йилнинг март ойида бўлиб ўтган ва унда Себастьян очколар ҳисобида ғалаба қозониб, Тимофейга фаолиятидаги илк мағлубиятни тақдим этганди. Мазкур вазн тоифасида ўзбекистонлик чарм-қўлқоп устаси Исроил Мадримов фаолият олиб боради.