10 июл 08:49
Янгиликлар

Таэквондо

Бунақаси камдан-кам бўлади: Икки ўзбек "Turkish Open" финалида даянга чиқди, умумий ҳисобда иккита олтин, биттадан кумуш ва бронза қўлга киритилди!

Теглар : Таэквондо

Бугун Туркиянинг Анқара шаҳрида таквондо WТ бўйича "Turkish Open" халқаро мусобақасининг сўнгги кунидан ўрин олган эркаклар ўртасидаги беллашувлар ўтказилди.

Хабар берилганидек, унда Ўзбекистон терма жамоасининг 8 нафар спортчиси иштирок этди. Қувонарлиси, мусобақанинг сўнгги куни ҳамюртларимиз учун медалларга бой ўтди.

-87 кг вазнда биринчи рақамда таснифланган Никита Рафалович барча рақибларини мағлуб этиб, олтин медалга эга чиқди. Шунингдек, бугунги кун доирасида яна бир тарихий воқеа содир бўлди, яъни "Туркиш Опен" мусобақаси финалида икки ўзбек спортчиси тўқнаш келди. -74 кг вазн тоифасидаги ҳамюртларимиз Нажмиддин Қосимхўжаев ва Жасур Жайсунов финалга қадар етиб келди ва якунда Жайсунов олтин, Қосимхўжаев эса кумуш медалга эга чиқди.

Бундан ташқари, -54 кг вазндаги Омонжон Отажонов мусобақанинг бронза медалини қўлга киритди.

-87 кг: 1. Никита Рафалович

-74 кг: 1. Жасур Жайсунов

2. Нажмиддин Қосимхўжаев

54 кг: 3. Омонжон Отажонов.

Қайд этиш жоиз, ушбу натижа орқали таеквондочиларимиз Париж-2024 Олимпиадаси йўлидаги рейтинг очколарини кўпайтириб олди.