Чендлер Дастин Порьени муддатидан аввал мағлуб этишга ваъда берди

"Дастин билан умумий 39 та муддатидан аввал ғалабага эришганмиз. Нокаут эвазига ғалаба қозонишимга пул тикадиганлар учун маблағ ишлаб олишига ҳаракат қиламан. Бу ажойиб кард ва агар пул тикишни хоҳласангиз менга тикинг, чунки муддатидан аввал жангни якунлаш учун октагонга чиқаман.

Порьени ушлаш осон иш эмас, чунки у жуда катта тажрибага эга. Мен жангни тез бошлайман, олдинга бораман ва рақибимни нокаутга учратаман. Аралаш яккакурашларда ўтказган йилларим давомида тўплаган тажрибамдан фойдаланишга ҳаракат қиламан. Жангдан кейин қўлим кўтарилишига шубҳам йўқ", - деди Чендлер.

Эслатиб ўтамиз, Порье ва Чендлер ўртасидаги жанг 13 ноябрь куни Нью-Йоркда UFC 281 турнири доирасида бўлиб ўтади.