Диёра Келдиёрованинг кимоноси, боксчиларнинг қўлқопи аукционда сотилди

Қизиқ томони шундаки, “Ўзэкспомарказ”да ўтказилаётган қишлоқ хўжалиги кўргазмаси доирасидаги ушбу хайрия кимошди савдосида 10 бош узум 30 млн, Олимпиада қаҳрамонлари – Диёра Келдиёрованинг кимоноси 6 млн, боксчиларнинг қўлқопи эса 26 млн сўмга сотилди.

Бокс бўйича Олимпиада чемпионларимизнинг имзоси туширилган қўлқопнинг баҳоси 26 млн сўмгача чиқди ва "Омонбой Фармонов" фермер хўжалиги раҳбари, самарқандлик Жўрабек Фармонов томонидан харид қилинди. У ва охиригача курашган фермер аёл Баҳодир Жалолов билан тушлик қилиш ҳуқуқини ҳам қўлга киритишди.

Ғолиб бемор болалар қўллаб-қувватланаётганидан хурсандлигини билдирган ва кимонони янаги савдоларга қўйиш учун “Сен кучлисан” жамоасига қайта ҳадя қилган. Хайрия аукциони эртага ҳам ўз ишини давом эттиради.

Ташкилотчиларнинг айтишича, тушган пуллар оққон ва онкологик касалликларга чалинган болаларни қўллаб-қувватлашга сарфланади.