Дмитрий Бивол Канелога қарши реванш ўтказишга тайёр

"Тўғрисини айтсам, Канелонинг реванш ҳақидаги гапларига эътибор бермадим. Фақатгина гап-сўзлар бўлди, лекин олдинга силжиш бўлмади. Менинг ўз йўналишим бор. Албатта, мен ўз вазн тоифамда жанг қилишни истайман.

Агарда улар реваншни исташса, шунчаки гапиравермасдан, олдинга қадам ташлаш керак. Нима демоқчи бўлганимни тушунгандирсиз. Мен жанг қилишга тайёрман.

Айни дамдаги бор эътиборим Бетербиевга қарши жангга қаратилган. У айни дамда боксдаги энг кучли панчерлардан бири. У билан жанг орқали ўзимни синаб кўрмоқчиман", - деди Дмитрий Бивол.

Бивол ва Канело ўртасидаги жанг ўтган йилнинг 22 майида Лас-Вегасда ташкиллаштирилган ва унда россияликнинг қўли баланд келганди.