05 ноя 18:51
Янгиликлар
Бокс/ММА
Эдди Хирн Дмитрий Биволнинг кейинги жанги қачон бўлишини айтди
Ярим оғир вазн тоифасида WBA йўналиши чемпиони, россиялик Дмитрий Бивол кейинги жангини 2024 йилнинг январь ойида ўтказишни режалаштирмоқда.
Бу ҳақда унинг промоутери, "Matchroom Boxing" промоутерлик компанияси раҳбари Эдди Хирн маълум қилди.
"Бивол январь ойида рингга қайтишни ўйлаяпти. Эҳтимол, у 13 январь куни Лас-Вегасда жанг қилар. Кейин эса биз Артур Бетербиев билан жанг ташкиллаштиришни хоҳлаймиз. Биз бу жангни амалга ошириш учун ҳаракатни бошлаганмиз", - деди Хирн.
Бивол 2022 йилнинг ноябрь ойидан буён жанг ўтказганича йўқ. У охирги жангини мексикалик Хильберто Рамиресга қарши ўтказиб, ғалаба қозонган эди.
Маълумот ўрнида, 13 январь куни Канадада ташкил этиладиган бокс оқшоми доирасида Артур Бетербиев Каллум Смит билан жанг қилади.
Ҳавола :
Манба : Мир Бокса
Фикрлар