Энди Маррей 2005 йилдан бери илк бор "Челленжер" ғолиби бўлди

У турнир финалида АТР рейтингида 17-поғонани эгаллаб турган америкалик Томми Полни мағлуб этди - 2/6, 6/ 1, 6/2. Учрашув 1 соату 55 дақиқа давом этган. Ушбу ғалаба орқали британиялик теннисчи ўзаро учрашувлардаги ҳисобни тенглаштирди – 1:1.

Шу тариқа, Маррей фаолиятидаги учинчи ва 2005 йилдан бери биринчи "Челленжер"да бош совринни қўлга киритди. Бу унинг 2016 йилда Римдаги "Мастерс" мусобақасида ғалаба қозонганидан бери грунт кортдаги биринчи унвони.

Франциядаги мусобақада ғолиб чиққани учун Маррей 175 рейтинг очкоси ва 27 155 евро мукофот пулига эга бўлади. Бугун эълон қилинадиган рейтингида у 42-ўринга кўтарилади.