Эрон дзюдо федерациясининг дисквалификацияси ўз кучида қолди. Воқеа Исроил - Эрон қарама-қаршилиги билан боғлиқ

Октябрь ойида Эрон дзюдо федерацияси Япониядаги ЖЧ вақтида юз берган ҳолат учун Халқаро дзюдо федерацияси шаъфелиги остида ўтказиладиган ҳар қандай мусобақалардан четлатилганди. 

ЖЧ-2019 чорак финали олдидан расмийлар Исроил вакили Саги Муки билан тўқнаш келмаслик учун эронлик спортчи Саид Моллаига мусобақада иштирок этишни рад қилишни буюрган. Бунга сабаб икки мамлакат ўртасидаги низодир. 

Моллаи эса буйруқни бажармаган ва мусобақада иштирок этишда давом этиб, ярим финалда ютқазиб қўйган. Шундан сўнг спортчи Эронга қайтмоқчи эмаслигини, расмийлар унга ва оила аъзоларига таҳдид қилаётганликларини айтган. 

IJF аҳлоқ комиссияси эса "олимпизм ғоялари қоидаларини бузгани" учун Эрон дзюдо федерациясини дисквалификация қилганди. 

Эроннинг дзюдодаги дисквалификацияси 2019 йилнинг 18 сентябридан 2023 йилнинг 17 сентябрига қадар амал қилади.