Головкин яна рингга қайтиши мумкинлигини истисно қилмади

Ҳозирда у Қозоғистон Миллий Олимпия қўмитаси раиси сифатида фаолият юритмоқда.

"Рингга қайтиш учун қизиқарли таклифлар мени қаноатлантирадими? Эҳтимол. Ҳеч қачон "ҳеч қачон" деб айтмаслик зарур. Кўрамиз, нима бўлар экан. Ҳозир ўз позоциямдан жуда мамнунман ва ўзимни яхши ҳис қиляпман. Энг юқори формамдаман. Агар бирор таклиф бўлса, уни кўриб чиқамиз", деди Головкин.

Маълумот учун, Головкин фаолияти давомида 45 та жанг ўтказиб, 42 та ғалаба, 2 та мағлубият ва 1 та дуранг қайд этган. У ўзининг сўнгги жангини 2022 йил сентябрь ойида мексикалик Сауль Альваресга қарши ўтказган. Трилогия мақомидаги ушбу тўқнашувда Альвареснинг қўли баланд келган эди.